නොවැම්බර් 28 - සා. කැතරින් ලැබෝරේ කන්‍යාව
Catherine Labouré DC
(ක්‍රි.ව. 1806 මැයි 02 – 1876 දෙසැම්බර් 31)
මෙතුමිය ප්‍රංශ ජාතික Daughters of Charity of Saint Vincent de Paul (Daughters of Charity, DC) නිකායික කන්‍යා සොහොයුරියක (nun) සහ මරියෝත්තමාවන් වහන්සේගේ දර්ශනලාභිනියකද (Marian visionary) වූවාය.
ප්‍රංශයේ පැරිස් නගරයේ Rue du Bac වීදියේ වූ කන්‍යාරාමයට සිය මූලික පැවිදි පුහුණුව සඳහා ඇතුළත් වූ මෙතුමිය එහිදී අද වන විට මිලියන සංඛ්‍යාත ජනතාවක් පැළඳ සිටින 'පුදුම පදක්කම (Miraculous Medal/Medal of Our Lady of Graces)' නිර්මාණය කිරීමට හේතු වූ මරියෝත්තමාවන්ගේ දර්ශනයන් (Marian apparitions) අවස්ථාවන් කිහිපයකදීම ලැබුවාය.
අනතුරුව කන්‍යා සොහොයුරියක ලෙස මෙතුමිය බොහෝ දිළිඳු ජනතාව සහ වැඩිහිටියන් මෙන්ම රෝගී වූවන්ද රැක බලා ගනිමින් කැපවීමෙන් යුතුව ඔවුන්ට සේවය කළාය.
මෙතුමිය 70 හැවිරිදි වියේදී ස්වර්ගස්ථ වූ අතර සිය නොදිරන සිරුර අද වන විට පැරිස් නගරයේ ආශ්චර්යමත් කන්‍යාවගේ කරුණාවේ කුඩා දේවස්ථානයේ (Chapel of Graces of the Miraculous Virgin) නැතහොත් පුදුම පදක්කමේ අප ස්වාමිදුවගේ කුඩා දේවස්ථානයේ (Chapel of Our Lady of the Miraculous Medal) තැන්පත් කර ඇත.
'නිශ්ශබ්දතාවයේ සහ (ආත්ම) විශ්වාසයේ සාන්තුවරිය (Saint of Silence and Confidence)' ලෙස හඳුන්වන මෙතුමිය වැඩිහිටියන්ගේ සහ දුර්වල/රෝගී වූවන්ගේ නාම සාන්තුවරිය ලෙසද සැලකේ.
වැඩි විස්තර:
Contributors to Wikimedia projects