ශුද්ධවු අගුස්තීනු තුමන්ගේ කියමන් කීපයක්
- දෙවිදුනී ඔබ අප නිර්මාණය කොට ඇත්තේ ඔබ වෙනුවෙනි. ඔබ තුළ ළැගුම් ගන්නා තුරු අප ආත්මයට සැනසීමක් නොමැත.
- ලැදිකම ඇති තැන වෙහෙසක් නොදැනේ වෙහෙසක් දැනුණද එය ලැදිකමට හැරේ. (Ubi amatur ibi non laboratur, etsi laboratur labor ipse amatur.)
- ලොව වනාහි පොතකි. සැරිසරන්නේ නැතිකෙනා කියවන්නේ එහි එක් පිටුවක් පමණි.
- යුක්තිය නොමැති තැන රාජ්ය තන්ත්රය යනු සංවිධානාත්මක සොරකමකි.
- ප්රේමය යනු ආත්මයේ සුන්දරත්වයයි.
- ප්රාතිහාර්ය සොබාදහමට පටහැනි නොවේ. ඒවා පටහැනි වනුයේ සොබාදහම පිළිබඳ අප දන්නා දේවලට පමණි.
- මිතුරන් දෙදෙනෙක් ආරවුලක් විසදීමට ඉල්ලුවොත් මැදිහත් නොවන්න. මන්ද ඉන් ඔබට එක් මිතුරෙකු අහිමිවේ. නමුත් අමුත්තන් දෙදෙනෙකු ඒ ඉල්ලීම කළොත් ඉදිරිපත් වන්න. මන්ද ඉන් ඔබට මිතුරෙකු ලැබේ.
- අපි යහපත් ලෙස දිවිගෙවන්නේ නම් කාලයද යහපත් සේ පෙනේ. අප යම් සේද කාලයත් එසේමය.
- හුදෙක් තම යුතුකම පමණක් ඉටුකළ ඉන් ඔබ්බට කිසිත් නොකළ අයට ගුණකථන යුතු නොවේ.
- දේවදූතයින් යක්ෂයින් බවට පත්කළේ උඩගුවයි. මිනිසුන් දේවදූතයින් බවට පත්කරන්නේ බැහැපත්කමයි.
- කළ යුතු දේ කිරීම බුහුමන් ලබනට හේතුවක් නොවේ. එය අපේ යුතුකමකි
- ඔබ සුබාරංචියේ ඔබ කැමැති දේ පමණක් විශ්වාස කර අකමැති දේ බැහැර කරන්නෙහි නම් ඔබ විශ්වාස කරන්නේ සුබාරංචිය නොව ඔබවම පමණි.
- මිනිසෙකුගේ අතිශය පරිපූර්ණභාවය නම් හේ තමා අසම්පූර්ණ බව සොයා ගැනීමය.
✍️ මාධව ජයකොඩි